A campaña 1 mes 1 profesión dixital, promovida pola Axencia de Modernización Tecnolóxica de Galicia (Amtega) en colaboración co Colexio Profesional de Enxeñaría en Informática de Galicia (CPEIG), nace co obxectivo de crear conciencia por parte da mocidade, universitarios/as, profesionais TIC e da cidadanía en xeral da necesidade de adquirir novas competencias e habilidades dixitais.
A través desta iniciativa, ao longo de 2015 desenvolveranse unha serie de xornadas divulgativas, nas que teremos exemplos de empresas e profesionais que amosarán como cada vez máis se están a demandar estas competencias e coñecementos dixitais, e como o emprendemento dixital, vinculado ao mundo da Internet e das redes sociais, fai que continuamente xurdan negocios dixitais que ata hai moi pouco non existían.
Concienciar a xuventude e/ou experimentados profesionais da necesidade de ter coñecementos dixitais sólidos e da evolución destes ao mesmo ritmo que o fan as tecnoloxías será o espírito que se imprimará no conxunto de actuacións que se desenvolvan ao abeiro desta campaña.
A actuación enmárcase na campaña europea e-Skills for Jobs 2015, coa que se busca rachar a fenda existente entre as demandas para unha transformación dixital, por unha banda, e as competencias e coñecementos técnicos e as capacidades da poboación activa, por outra. Trátase así de aproveitar o potencial das novas tecnoloxías e non perder o ritmo da concorrencia mundial.
O marketing, a comunicación, a educación, a arquitectura, a sanidade, a empresa… Todos os eidos profesionais e servizos á cidadanía avanzan pola senda da dixitalización e cómpre ter unha poboación preparada para asumir estes avances. A campaña 1 mes 1 profesión dixital facilita o achegamento a este novo escenario laboral e facilita a decisión de cara onde enfocar o futuro profesional.
Santiago, 25 de maio de 2015
16:45 h.-20.00 h.
Cidade da Cultura de Galicia. Salón 2 Edif. CINC
Empresa de desenvolvemento software orientada a produto, que centra a súa actividade no sector ambiental. Cómpre salientar o software para xestión de residuos Teixo.
DESCARGAR ENTREVISTADesde 2006 dirixe a axencia de marketing Contact Comunicación, onde o seu labor se centra en innovar no sector do marketing e a comunicación, para poder ofrecerlles ferramentas máis eficaces e eficientes aos clientes, que garantan un retorno de cada euro que se inviste.
DESCARGAR ENTREVISTAPiloto comercial e instrutor con preto de 1.500 horas de voo, das que 800 son como instrutor. Posúe a Habilitación de Tipo como piloto de Boeing-737.
DESCARGAR ENTREVISTADirectora da área In Gaming, especializada no desenvolvemento de xogos educativos e produtos multimedia.
DESCARGAR ENTREVISTASocio co-fundador de Tesla Technologies & Software S.L. A pesar da súa xuventude leva máis de 12 anos no sector, no que empezou con temas de comercio electrónico, para ir co tempo derivando á creación de interactivos para museos e para grandes editoriais. Agora mesmo a empresa atópase en plena fase de expansión internacional.
DESCARGAR ENTREVISTA