Unha Xornada, Un Mes
A campaña 1 mes 1 profesión dixital, promovida pola Axencia de Modernización Tecnolóxica de Galicia (Amtega) en colaboración co Colexio Profesional de Enxeñaría en Informática de Galicia (CPEIG), nace co obxectivo de crear conciencia por parte da mocidade, universitarios/as, profesionais TIC e da cidadanía en xeral da necesidade de adquirir novas competencias e habilidades dixitais.
A través desta iniciativa, ao longo de 2015 desenvolveranse unha serie de xornadas divulgativas, nas que teremos exemplos de empresas e profesionais que amosarán como cada vez máis se están a demandar estas competencias e coñecementos dixitais, e como o emprendemento dixital, vinculado ao mundo da Internet e das redes sociais, fai que continuamente xurdan negocios dixitais que ata hai moi pouco non existían.
Concienciar a xuventude e/ou experimentados profesionais da necesidade de ter coñecementos dixitais sólidos e da evolución destes ao mesmo ritmo que o fan as tecnoloxías será o espírito que se imprimará no conxunto de actuacións que se desenvolvan ao abeiro desta campaña.
A actuación enmárcase na campaña europea e-Skills for Jobs 2015, coa que se busca rachar a fenda existente entre as demandas para unha transformación dixital, por unha banda, e as competencias e coñecementos técnicos e as capacidades da poboación activa, por outra. Trátase así de aproveitar o potencial das novas tecnoloxías e non perder o ritmo da concorrencia mundial.
O marketing, a comunicación, a educación, a arquitectura, a sanidade, a empresa… Todos os eidos profesionais e servizos á cidadanía avanzan pola senda da dixitalización e cómpre ter unha poboación preparada para asumir estes avances. A campaña 1 mes 1 profesión dixital facilita o achegamento a este novo escenario laboral e facilita a decisión de cara onde enfocar o futuro profesional.
Santiago, 8 de xullo de 2016
09.45 h.-14.00 h.
Edif. CINC
Cidade da Cultura. Monte Gaiás, s/n.
Santiago de Compostela
Pai de familia, enxeñeiro e político vocacional, é director académico de enxeñaría en U-Tad, un centro universitario referente na formación de futuros líderes do mundo dixital.
Experto no deseño e desenvolvemento de proxectos integrais no ámbito das smart cities, centra a súa actividade na creación de propostas innovadoras na xestión intelixente de datos xeográficos, Big Data, loT, etc. en múltiples campos de actuación.
Desenvolvedor de Realidade Virtual. Desde que rematou a EXB, xa tiña claro que a súa profesión sería a de especialista en 3D e efectos especiais. En 2004 montou o seu primeiro estudo de visualización 3D e despois traballou na industria da publicidade como xeralista. En 2015 funda Future Lighthouse.