A campaña 1 mes 1 profesión dixital, promovida pola Axencia de Modernización Tecnolóxica de Galicia (Amtega) en colaboración co Colexio Profesional de Enxeñaría en Informática de Galicia (CPEIG), nace co obxectivo de crear conciencia por parte da mocidade, universitarios/as, profesionais TIC e da cidadanía en xeral da necesidade de adquirir novas competencias e habilidades dixitais.
A través desta iniciativa, ao longo de 2015 desenvolveranse unha serie de xornadas divulgativas, nas que teremos exemplos de empresas e profesionais que amosarán como cada vez máis se están a demandar estas competencias e coñecementos dixitais, e como o emprendemento dixital, vinculado ao mundo da Internet e das redes sociais, fai que continuamente xurdan negocios dixitais que ata hai moi pouco non existían.
Concienciar a xuventude e/ou experimentados profesionais da necesidade de ter coñecementos dixitais sólidos e da evolución destes ao mesmo ritmo que o fan as tecnoloxías será o espírito que se imprimará no conxunto de actuacións que se desenvolvan ao abeiro desta campaña.
A actuación enmárcase na campaña europea e-Skills for Jobs 2015, coa que se busca rachar a fenda existente entre as demandas para unha transformación dixital, por unha banda, e as competencias e coñecementos técnicos e as capacidades da poboación activa, por outra. Trátase así de aproveitar o potencial das novas tecnoloxías e non perder o ritmo da concorrencia mundial.
O marketing, a comunicación, a educación, a arquitectura, a sanidade, a empresa… Todos os eidos profesionais e servizos á cidadanía avanzan pola senda da dixitalización e cómpre ter unha poboación preparada para asumir estes avances. A campaña 1 mes 1 profesión dixital facilita o achegamento a este novo escenario laboral e facilita a decisión de cara onde enfocar o futuro profesional.
A Coruña, 15 de outubro de 2015
17:15 h.-20:00 h.
Salón de Actos da Escola Técnica Superior
de Arquitectura da Coruña
No ano 2010 publicou a tese doutoral “Tecnoloxía BIM para o deseño arquitectónico” e nos últimos anos publicou varios traballos e organizou seminarios sobre ese tema.
DESCARGAR ENTREVISTA
Foi monitor no Beam Center (Brooklyn, EEUU) coñecendo novas tecnoloxías aplicadas ao deseño e fabricación dixital.
Realizou unha estancia Erasmus na NTNU (Universidade Noruega de Ciencia e Tecnoloxía) onde se interesou polo deseño en contornas paramétricas, obtendo o Excellence in Analysis Award 2014.
Ademais participou en varios workshops internacionais.
Coordinador do Grupo de Visualización Avanzada e Cartografía en Arquitectura, Enxeñaría Civil e Urbanismo desde onde investiga na aplicación de tecnoloxías avanzadas de representación dixital na construción, patrimonio histórico e outros campos afíns.
Membro fundador da Sociedade Española da Arqueoloxía Virtual (SEAV).
Investigador principal Videalab. UDC.
Xefe de Estudos da Escola Técnica Superior de Arquitectura.
Profesor titular do Departamento de Tecnoloxía da Construción da ETSAC.
Membro do grupo de investigación en Estruturas Arquitectónicas. Estruturas de Madeira.