A campaña 1 mes 1 profesión dixital, promovida pola Axencia de Modernización Tecnolóxica de Galicia (Amtega) en colaboración co Colexio Profesional de Enxeñaría en Informática de Galicia (CPEIG), nace co obxectivo de crear conciencia por parte da mocidade, universitarios/as, profesionais TIC e da cidadanía en xeral da necesidade de adquirir novas competencias e habilidades dixitais.
A través desta iniciativa, ao longo de 2015 desenvolveranse unha serie de xornadas divulgativas, nas que teremos exemplos de empresas e profesionais que amosarán como cada vez máis se están a demandar estas competencias e coñecementos dixitais, e como o emprendemento dixital, vinculado ao mundo da Internet e das redes sociais, fai que continuamente xurdan negocios dixitais que ata hai moi pouco non existían.
Concienciar a xuventude e/ou experimentados profesionais da necesidade de ter coñecementos dixitais sólidos e da evolución destes ao mesmo ritmo que o fan as tecnoloxías será o espírito que se imprimará no conxunto de actuacións que se desenvolvan ao abeiro desta campaña.
A actuación enmárcase na campaña europea e-Skills for Jobs 2015, coa que se busca rachar a fenda existente entre as demandas para unha transformación dixital, por unha banda, e as competencias e coñecementos técnicos e as capacidades da poboación activa, por outra. Trátase así de aproveitar o potencial das novas tecnoloxías e non perder o ritmo da concorrencia mundial.
O marketing, a comunicación, a educación, a arquitectura, a sanidade, a empresa… Todos os eidos profesionais e servizos á cidadanía avanzan pola senda da dixitalización e cómpre ter unha poboación preparada para asumir estes avances. A campaña 1 mes 1 profesión dixital facilita o achegamento a este novo escenario laboral e facilita a decisión de cara onde enfocar o futuro profesional.
Ourense, 23 de xuño de 2015
10:30 h.-13.00 h.
Escola Superior de Enxeñaría Informática (ESEI)
Co-fundador e director técnico de SetPay, empresa especializada en medios de pagamento e ferramentas de fidelización. Agora mesmo tamén interesado en Blockchain (a tecnoloxía detrás de Bitcoin), o open hardware e o mundo dev-ops.
DESCARGAR ENTREVISTADoutor en Informática pola USC. Cofundou o Laboratorio de Bioenxeñaría na Universidade San Pablo CEU. Profesor titular de Ciencias da Computación, coordinador de titulación do Grao en Enxeñaría Biomédica da Universidade San Pablo CEU.
DESCARGAR ENTREVISTAEnxeñeiro en Informática con ampla experiencia en diferentes responsabilidades da administración de sistemas e seguridade TI.
DESCARGAR ENTREVISTACon 18 anos de experiencia en banca e xestión, e agora emprendendo en videoxogos (Gato Salvaje Studio), crowdfunding (Start Your Business Consulting) e xeolocalización en edificios (Smart Guide).
DESCARGAR ENTREVISTA